തുറയൂർ
ഗ്രാമ പഞ്ചായത്ത്

തുറയൂര്‍ എന്ന പദത്തിന് തുറമുഖത്തിന്‍റെ നാട് എന്നര്‍ത്ഥമുണ്ട്. ഈ പ്രദേശത്ത് മുമ്പ് തുറമുഖം ഉണ്ടായിരിക്കാനുളള സാധ്യത തളളികളായാവുന്നതല്ല വടക്കുഭാഗം കുറ്റ്യാടിപ്പുഴയും , തെക്കുഭാഗം അകലാപ്പുഴയും സ്ഥിതി ചെയ്യുന്നതുകൊണ്ട് തന്നെ മറ്റു പ്രദേശത്തെ ആളുകള്‍ കടവുകള്‍ കടന്നാണ് ഇവിടെയെത്തിച്ചേര്‍ന്നത്.തുറ എന്ന വാക്കിന് കടവ് എന്നര്‍ത്ഥമുണ്ട്. അനേകം തുറകളുടെ നാട് എന്നര്‍ത്ഥത്തില്‍ തുറകളുടെ ഊര് ക്രമേണ തുറയൂരായതായിരിക്കാം എന്ന് അനുമാനിക്കുന്നതില്‍ തെറ്റില്ലെന്ന് തോന്നുന്നു. ഒരു കാലത്ത് ബ്രാപ്മണര്‍ കൂടുതലായി അധിവസിച്ച പ്രദേശമാണിത്. തുറവന്‍ എന്നാല്‍ ജ്ഞാനി എന്നര്‍ത്ഥം തുറവന്മാരുടെ ഊര് ക്രമേണ തുറയൂര്‍ ആവാനും സാധ്യതയുണ്ട്. പഴയ നമ്പൂതിരി ഇല്ലങ്ങളുമായി ബന്ധപ്പെട്ട സ്ഥല നാമങ്ങള്‍ ഇവിടെ ധാരാളമുണ്ട്. ,മനക്കല്‍ , എടത്തില്‍, എളമന,തൃക്കോവില്‍, കോലാത്ത്,വണ്ണത്താന്‍ വീട്,വണ്ണാന്‍റെവിട തുടങ്ങിയ സ്ഥലനാമങ്ങള്‍ അന്നത്തെ ബ്രാഹ്മണ ഭവനങ്ങളെയും...